Fólkið sem við borgum launin hjá "vilja" ekki óþægilegar spurningar! Hvern ætlar þú að kjósa næst?

Heyrðu mig Helgi Seljan, ég er hingað kominn til að ræða borgarmál!  (Ólafur borgarstjóri í kastljósi) 

Ég er alltaf að fá það staðfest að stjórnmálamenn eru alveg vissir um það að kjósendur eru FÍFL! 

þeir svara ekki  spurningum bara ræða það sem þeir vilja ræða..... og ekki vera að spyrja óþægilegra spurninga!!!!! 

Ég tek ofan fyrir Helga hann krafðist, krafðist og krafðist svara... en án árangurs! (hann reyndi þó)

Ég gat ekki heyrt að  Helgi hafi verið að spyrja  einhvers utan sviðs borgarstjóra!   (en ekki "réttu" spurninganna að mati borgarstjóra)

Það er bara komin upp sú staða að þeir sem eru á launum hjá okkur (kosnir til ýmissa verka) geta ekki svarað spurningum fjölmiðlafólks. (en það hefur lengi verið við lenska að stjórnmálamenn komast upp með það að hafa okkur að fíflum!!!)  (Væri ekki búið að láta þetta fólk taka pokann sinn á hinum almenna vinnumarkaði?)

Er ekki kominn tími til að við förum að krefjast þess að fólk sem býður sig fram til að stjórna hér á landi fari að sýna okkur ferilskrá með meðmælendum (sem kjósendur gætu kannað sannleiksgildi).

Er ekki kominn tími á að kjaftaskar í kosningabaráttu hætti að ná hér völdum, með ófyrirsjáanlegum afleiðingum fyrir okkur íbúa þessa lands!

Það er alveg öruggt að sjálfstæðisflokkurinn er búinn að fremja eigið sjálfsmorð með samstarfi með Ólafi F. (núverandi utanflokksmanni, fyrrverandi sjálfstæðismanni og hver veit hvaða flokks-næst?) (ó mæ god kannski verður farið í árnavestmanneyjingsmálviðmigútafþessumskoðunummínum)

En sem Reykvíkingi, sem þorir að ganga miðbæinn að nóttu sem degi (ólst þar upp að hluta) finnst vanta líf, fagna Listaháskóla á þessum stað (þekki það af eigin reynslu, að ekki eru margir Listaháskólanemar á bíl, þessi skóli er ekki VERSLÓ, þannig að bílaumferð eykst ekki, en mannlífið auðgast, og ekki veitir af!). En um að gera að varðveita sem flest KOFA sem engum gagnast (og komandi kynslóðir eiga eftir að hlægja af).  Og selja á sama tíma virðuleg hús á kofaverði!!! 

Ég er allavega með það á hreinu, að í komandi kosningum kýs ég ekki kofakaupendur að Laugavegi 4-6!

Það má alveg byggja Laugaveginn upp!  Þannig að hann sé nýtanlegur nútímasamfélagi , við þurfum ekki að binda okkur við kreppubyggingar sem byggðar voru  af litlum efnum,  á kreppurtímum.  Ég get alveg fullyrt það að ef fjármagnið hefði verið til staðar hjá forfeðrum okkar  þá liti Laugavegurinn út eins og miðborg, Prag, London, París, New York eða aðrar miðborgir.  En það er ekki von um neinar breytingar á þessu á meðan "misvitrir menn" fá að stjórna hér til ríkis og borgar eins og gert er!!!!! Allaveg ekki á meðan kjósendur fara ekki að gera meiri kröfur til frambjóðenda!!!  

Athugasemdir

[Þorsteinn Ásgeirsson (Icerock), 30.7.2008 kl. 21:07]

Ég velti því fyrir mér hvers vegna Helgi getur aldrei komið í svona kastljós þætti nema með staðlaðar spurningar, skemmtilegra væri að spila svona viðtal af fingrum fram.

Einnig má hugleiða hvort Helgi sé svona ruddalegur við Ólaf vegna þess að hann hefur ekkert bakland.

Þessi framganga sjónvarpsmannsins er honum til minnkunar

[Friðrik Ásmundsson (IP-tala skráð) 30.7.2008 kl. 21:45]

Ólafur kom augljóslega í viðtal svo hann geti stjórnað umræðunni (eins og hann hefur áður reynt), en sem betur fer þá er Helgi engin tuska og lét Ólaf ekki ráða. Helgi stóð sig mjög vel að mínu mati, á meðan Ólafur leit út eins og hálfbilaður einstaklingur sem vill vera stjórnmálamaður.

Hvað meinaru með staðlaðar spurningar? Spurningar sem komu upp í þættinum eru ákkúrat ástæðan sem að Ólafur fór í viðtal og ástæða þess að ég og eflaust aðrir nennti að horfa á hann Ólaf ramblandi í sjónvarpinu.

Hefðir þú viljað að hann hefði spurt hann um hvað tjörnin er óhrei?, ég bara spyr

Ég vona bara að þú hafir verið að grínast Þorsteinn, en þú átt auðvitað rétt á þinni skoðun, en vá hvað ég er ósammála þér.

[Hjörtur Guðbjartsson, 31.7.2008 kl. 00:37]

Ég held að Helgi Seljan megi nú s.s.á. endurskoða framkomu sína í þessum þætti.  Það er mikill munur á því að ganga hart fram og vera hreint út sagt hrokafullur.  En að mínu mati var þetta viðtal þeim báðum til minnkunar.