Stjúpmóðir-Mannætur-Kristinfræði

Stjúpmóðir finnst mér ljótt orð, hvort þar er um að kenna sögum frá bernsku minni, veit ég ekki.  Öskubuska átti ekki góða "stjupu", Mjallhvít var ofsótt af sinni stjúpmóður.  Allavega er ekki dregin upp góð mynd af stjúpmæðrum í barnabókum.  Bækur fyrir börn eru oft með fordóma sem fylgja börnum inní framtíðina. 

Las nýlega frétt um að gefa ætti "Leyndarmálið hans pabba" út á fleiri tungumálum, mér var hugsað hvaða boðskap hefur sú bók?  jú leyndarmál pabbans er að hann er mannæta!!  Er þetta ætlað börnum?  Hvaða boðskapur er í barnabókum?  Man ekki betur en bloggheimur hafi farið á límingunni yfir útgáfu "tíu litlir negrastrákar" !  Hvernig má það vera að mannætubók hlýtur hér barnabókaverðlaun?  Finnst fólki það hlægilegt að mannát skuli haft fyrir viðkvæmum barnssálum í mótun? 

Og eitt að lokum hvaða rétt hafa foreldrar, sem ólust upp í kristinni trú, ákváðu síðan að gerast trúlaus að svipta börn sín þeim rétti að velja sjálf, þegar þau hafa aldur til?  Og í leiðinni að svipta ÖLL börn trúarlegri umræðu, með því að banna kristinfræði í skóla!

Og enn er það mannréttindadómstóllin sem þarf að segja "svona gerir maður ekki"

Hvað ætli það séu margir sem ekki hafa haft efni á að leita með sín mál til Evrópudómstólsins?  Hér á landi hefur viðgengist þvílík mannréttindabrot af opinberum starfsmönnum, bönkum að það hálfa væri nóg. 

Stundum hefur manni blöskrað hvað hægt er að hrópa "rasisti rasisti" þegar um brot á erlendum aðilum er að ræða, enn innfæddir eiga sér engan vaktmann sem stekkur upp og hrópar STOPP HINGAÐ OG EKKI LENGRA þeim innfædda til varnar, svo virðist sem máltækinu "konur eru konum verstar" eigi alveg við en þá bara með þessum orðum "Íslendingar eru Íslendingum verstir".

Hér á landi hefur það tíðkast að gera fólk gjaldþrota "til að þagga niðri fólki".  Hef oft undrað mig á mannréttindasamtökum sem starfa hér á landi og eru sífelt að benda á brot á fólki svo víðsfjarri okkur að maður vissi ekki einu sinni að það land væri til, fyrir að hafa ekki litið sér nær, hér á landi er brotið á fólki!  Það sýna þau mál sem Íslendingar hafa farið með til Mannréttindadómstólsins, þau mál hafa undantekningalaust komið "heim" með þau skilaboð að um brot hefði verið að ræða. 

Hvað um alla þá sem ekki hafa haft efni á að fara þessa leið?

Ég styð Pétur Þór Sigurðsson, vonandi nær hann að  ryðja hina grýttu braut sem íslenskt "réttarkerfi" er.

Pétur Þór Sigurðsson stefnir íslenska ríkinu

DV gefur milljón

Það er alltaf ánægjuefni, þegar fyrirtæki taka sig til og gefa gjafir.  En þessi leikur er greinilega ætlaður til að afla nýrra áskrifenda.  Af öllum þeim sem ég hef frétt að hafi unnið, þá er enginn áskrifandi!  Þannig að hér á bæ verður DV sagt upp um næstu mánaðamót.  þeir eru líklega að þessu til að skipta út áskrifendum, þannig að ég segi bara til hamingju með nýja áskrifendahópinn.  DV.

Hvaðan koma peningarnir?

Jæja þetta er nú kannski fyrsta skrefið, vonandi þurfum við ekki að bíða jafnlengi eftir næsta skrefi.  En er þetta ekki næstum því eins og að láta bankana hafa peningana beint?  því þetta eru lán sem fólk getur fengið í gegnum bankann sinn.  Íbúðalánasjóður svona einskonar heildsölubanki.

Hvenær verður stigið það skref að fella niður stimpilgjöldin?  Ég man ekki betur en það hafi verið loforð þeirra beggja, Geirs og Ingibjargar.  Nokkuð langt síðan, þau eru kannski að bíða eftir að fólkið í landinu gleymi því loforði!

Hvaðan koma þessir peningar sem núna er verið að moka inná markaðinn?

Er búið að taka lánið uppá 500 milljarða?

Kemur fólkinu í landinu þetta ekkert við?

 

 

Breytingar á Íbúðalánasjóði

Það er kominn tími til aðgerða!!!

Nú held ég að það sé komið að því að stjórn þessa lands fari að hisja uppum sig og gera eitthvað róttækt.  Bankarnir eru búnir að sýna það að þeir eru búnir að vera lengi að ætla sér að koma þessu landi á vonarvöl, og þeim virðist ætla að takast ætlunarverk sitt.  Sem betur fer tókst þeim ekki að leggja íbúðalánasjóð af, þeir voru samt nálægt því.  Námsmenn eru alfarið uppá bankana komnir, þurfa að velta sér áfram á rándýrum yfirdrætti og svo mætti lengi telja. 

Þannig að nú er lag fyrir Geir og co.  Nota þessa 500 milljarða sem ætlunin er að taka að láni, stofna nýjan banka, "banka þjóðarinnar" og leyfa hinum bönkunum bara að eiga sig og sitt vandamál.

  Hvað eigum við hinn almenni skattgreiðandi að fara að taka lán til að bjarga "bönkunum" úr þeim útrásarvanda sem þeir komu sér sjálfir í?  Og hafa undanfarið verið að kúga hinn almenna launþega sem á ekkert val um hvar launin þeirra eru greidd út!  Jú það þurfa allir peningar okkar að fara í gegnum þessa "banka"  og þeir segja svo bara einn daginn að nú sé komin kreppa, og nei við getum ekkert gert fyrir þig.

Hvað gerist ef það kemur nýr banki inná markaðinn?  Banki sem ekki tekur þátt í þessari vitleysu sem nú viðgengst innan bankakerfisins?   Banki sem ekki þarf að vera í gengisleik til að uppgjör bankans líti betur út í útlöndum? 

Eru bankarnir að fella gengið hratt þessa dagana til að 6 mánaða uppgjör bankanna líti betur út?

Við hinn almenni borgari eigum að láta í okkur heyra og gæta þess að ekki verði tekið 500 milljarða lán til þess eins að fékúga okkur áfram.  Það er nú á okkar ábyrgð þetta lán sem verið hefur í umræðunni.  Hinn almenni borgari þessa lands er jú "ríkið"

Af hverju eru engin mótmæli í gangi?  Nú er um líf þjóðarinnar að ræða?  og það heyrist ekki í neinum? 

 Geir og Ingibjörg ættu nú að skella "bönkunum" og standa vörð um þjóðina!!!!

Sveiflur á gengi krónu

Enn um ísbjörn.

Ég er enn þeirrar skoðunar að þessi ísbjörn eigi að fara uppstoppaður á Bessastaði. (sjá fyrri færslu). 

Hvítabjörninn á Stokkseyri?

Nú er bara að finna dýrinu stað á Bessastöðum!

Ég segi nú ekki að ég gráti birnuna.  En fyrst nauðsynlegt var að drepa dýrið, þá finnst mér það viðeigandi að stoppa þetta dýr upp og hafa á Bessastöðum.  

Ísbirnan náði að gera 17. júní nokkuð öðruvísi, þurftum að leita til Dana til að hjálpa okkur!  Já til Dana af öllum.  Íslendingar hafa haldið 17. júní hátíðlegan í 64 ár.  

Og þetta dýr kemur okkur svo í þá stöðu að við þurfum að leita til fyrrum "stjórnenda" okkar.

SORPA-borgarstjórn-umhverfið-hæfir starfsmenn

þar sem ég er nýr bloggari, þá er ég að kynna mér hér hin ýmsu málefni sem hafa verið fólki hugleikin, öðrum ekki, þ.e. athugasemdaraðilar (koment) á bloggi þeirra eru ekki á sömu skoðun.

  Stundum virðist vera sem sá sem kemur með athugasemd hafi verið á staðnum en ekki bloggarinn sjálfur! (sjá neðar)

Ekki að undra að fólk skuli alltaf kjósa sömu aðilana til að stjórna hér á landi.  (Fólk gerir ekki greinarmun á veru sinni eða annarra)Var að lesa blogg "Sveinn Ingi Lýðsson" skrifar um ferðir sínar á SORPU og mér fannst ég vera heima, en það er búið að bauna á mig frá vinum og vandamönnum að það ætti að veita mér umhverfisverðlaun forever! fyrir natni mína í flokkun á RUSLI !!!

En ég hef verið fastagestur á SORPU s.l. 5 ár!  FLOKKAÐ OG SKILAÐ.  (Græn tunna á heimilinu frá fyrsta degi (tæp 4 ár) sem  tunnan var í boði, hægt að telja það á fingrum annarar handar hversu oft hún hefur verið full við tæmingu! (tæmd á tveggja vikna fresti).

Svo les maður koment á bloggi Sveins um það að hann viti ekkert um hvað hann sé að tala, " ef þetta hefur verið mold eða sandur þá er það gjaldskylt! en hægt er að losa sig við slíkt gjaldfrjálst á Hólmsheiði!!!!! " Því í andsk..... láta þá ekki dyraverðir hjá SORPU fólk vita af því að þetta sé efni sem sé velkomið annarsstaðar!!!!!!  í stað þess að rukka við innganginn?

Í fyrra ákváðum við að gera sólpall við húsið og það þurfti að losa sig við helling af mold.  Ég dauðsá á eftir þessari mold því það voru svo andsk... fínir ormar í henni sem sagði mér að þarna væri um úrvalsmold að ræða.   Og ekki sárnaði mér neitt meira en að þurfa svo að borga fyrir að losa mig við þennan"úrvalsúrgang"  AF HVERJU SÖGÐU DYRAVERÐIRNIR HJÁ SORPU EKKI FRÁ HÓLMSHEIÐINNI?  ef þessi SINALCO sem komentar á blogi áðurnefnds Sveins hefur rétt fyrir sér....(hann/hún bloggar allavega um þetta málefni eins og hann/hún sé sérfræðingur í SORPU-málum.)

Jæja nema ég skildi áðurnefndan Svein MJÖG VEL þegar hann lýsti meðhöndlun málbandsins hjá SORPU, því um daginn (ég er alltaf þarna!) þá átti að rukka mig um gjald, nei nei sagði ég því eins og áður sagði er ég alltaf þarna!  og ég var ekki með neitt gjaldskylt,  ( það var enigin mold eða veggir) bara vorhreingerningin í geymslunni í gangi, og tvær trjágreinar.

Og þegar ég spurði DYRAVÖRÐIN hjá SORPU  fyrir hvað ég ætti að greiða gat hann ekki sagt mér það!!!!!   Farðu bara sagði hann.....Þannig að niðurstaða mín í þessu SORPU-MÁLI er að ég er gjörsamlega sammála áðurnefndum bloggara Sveini, það á að setja skilagjald á alla hluti og greiða okkur svo fyrir að skila þeim.. ekki rukka við hliðið heldur verðlauna....  Það er eina leiðin til að við getum orðið umhverfisvænt land!!!Þegar við fjölskyldan lögðum land undir fót árið 1993, leigðum okkur í Danaveldi í skamman tíma var flokkað rusl þar!!!!  þegar við ferðuðumst um þýskaland árið 2004 var allstaðar flokkað rusl "blá tunna" græn tuna" fjólublá tunna" þetta var bara á almenningsstöðum þannig að ég held að við séum langt langt langt á eftir í umhverfismálum......  og bæ ðe vei í hvaða ráð erum við að reyna að kaupa okkur ínní??? og á hvaða forsendum?

Svo að öðrum efnum ekki óskyldum....

Ég drakk kaffibolla með vinkonu minni um daginn, sem var að koma norðan úr landi, þar var hún spurð að því hvort okkur Reykvíkingum væri ekki létt eftir að Hanna Birna var gerð að leiðtoga Sjálfstæðisflokksins? Nei mér er ekki létt, var svarið sem hún gaf, því mér finnst að allir þeir sem sitja í stjórnum og nefndum á vegum borgarinnar ættu allir að hafa vit á því að láta þetta vera sitt síðasta í að reyna að stjórna borginni! (allir flokkar!!!)Og ef eitthvað hefur glatt mig (þetta árið og það síðasta) þá var það þetta viðhorf hennar, ég get ekki hugsað mér að kjósa neinn af þessum sem eru búin eru að vera að klúðra borginni undanfarin ár. Kaupa kofa við Laugaveg, á sama tíma og verið er að selja Fríkirkjuvegshúsið til Björgólfs Thors á sama verði, er ekki í lagi með verðskynið????   nei nei nei það er ekki í lagi.....   En þar sem ég er nýr bloggari, en margra ára virkur blogglesandi, þá hefur maður lesið blogg um það að þeir tveir sem fóru með samninginn um að kaupa Laugaveshúisin, þ.e. núverandi borgarstjóri  Ólafur F. og Vilhjálmur Þ. hafa aldrei sést á röltinu um Laugaveginn..... þeir hafa ekki haft hugmynd um hvað þeir voru að kaupa!  Og þurft að fjármagna það með þessum heimskulega hætti.En þetta er eins og með svo mörg opinber fyrirtæki (sorgarsaga) að þeir sem svara í síma vita ekkert, enda eðlilegt, þeim er ekki sagt neitt, (þannig að hugtakið: veit það ekki vinn bara hérna á fullan rétt á sér).

Já svo eitt að lokum viðtlalið við Guðmund fráfarandi forstjóra Orkuveitu Reykjavíkur, með 2,4 milljónir á mánuði..... "til að fá hæft fólk þarf að borga þeim góð laun"..... það þarf sem sagt ekki hæft fólk í borgarstjórn, eða í þingmannastöður!!! tala nú ekki um ráðherrastöður!!!   þangað fara bara óhæfir...... allavega þeir eru ekki með 2,4 milljónir á mánuð!!

Er von um að landið eigi sér framtíð...?

 Og ég get fullyrt það að þeir sem vinna alla þá vinnu sem heldur Orkuveitu Reykjavíkur uppi eru ekki með 2,4 mio á mánuði... þannig að þarna er bara um óhæft starfsfólk að ræða!!!!!  Hvenær ætlar BORARSTJÓRN AÐ VAKNA!!!!! HALLLÓÓ  Guðmundur var undirmaður borgarstjóra!!!!Staðan verður auglýst fljótlega!  kannski Vilhjálmur sæki um ja eða Ólafur, og annar þeirra kæmi með rúmlega tvöfallt umslag heim um hver mánaðamót.Guðmundur á rúmlega tvisvar sinnum launum borgarstjóra, hvar annarsstaðar finnum við slíkt dæmi?  (ég er til í að fá svar)Hefði kannski átt að nota þetta í eins og 100 blogg en þetta þurfti allt út núna..... Hvar eru kjósendur?  

Jú elsku kjósendur, það er enginn hæfur  í borgarstjórn (skv. ummælum Guðmundar þoroddsonar) þá þarf að greiða hæfum stjórnendum 2,4 ,milljón pr. mánuð.

Innbrot og allir heima!

Við sátum í rólegheitum í gærkvöldi og horfðum á sjónvarpið, þegar við heyrðum að það var umgangur frammi, já það var einhver frammi, við sperrtum eyrun horfðum hvert á annað, það voru allir á heimilinu að horfa á TV, skelfingarsvipur, undrunarsvipur ja ég held að allir andlitssvipir hafi komið fram. 

Loksins sýndi ég (að sjálfsögðu) þá hetjudáð að standa upp og athuga hver væri að gera sig heimkominn og við að horfa á sjónvarpið! 

 "Kvikindið" var snöggur út um eldhúsgluggann, já það var köttur! sem var búinn að lalla um  eldhúsborðið, greyið sjálfsagt að leita sér að einhverju að éta.

En ef það er einhvað sem er ekki að mínu skapi er það ókunnir kettir inni hjá mér.

 

Þetta mál verður sett í nefnd.

Það er svo vinsælt hjá stjórnendum þessa lands að setja "erfið mál" í nefnd sem fundar svo annað slagið með snittum og öðrum veitingum.  Skilar svo af sér áliti eftir einhver ár. 

Um að gera að hafa nógu marga fundi það er svo vel greitt fyrir setu í nefndum. 

Almennir launþegar ættu að fá að sitja í svona nefndum, það ætti bara að draga úr þjóðskrá nokkur nöfn þegar skipað er í nefndir, ég er viss um að það yrði þjóðinni farsælla heldur en þau vinnubrögð sem stunduð eru.

Engin ákvörðun liggur fyrir